Елена Пресилска

Посебна советничка за поддршка на процесот на интеграции

Професионалец во областа на комуникациите со големо искуство стекнато во односи со јавност, лобирање, менаџмент на проекти, настани, маркетинг и рекламирање, како во јавниот така и во приватниот сектор. Течно зборува повеќе јазици и има богато професионално искуство стекнато во водечки организации. Низ долгогодишно искуство и со докажаните способности, успешно се справува со креирање комуникациски стратегии, планирање на проекти, креирање видливост на бренд, планирање на буџет, комуникација со профили на високо ниво, подготвување обемни извештаи и менаџирање настани. Во СЕП доаѓа од МНР каде во периодот од 2017 до 2020 беше портпарол и раководител на секторот за односи со јавност, до 2016 работи во Подгорица, одговорна за секторот за комуникации на ЕУ Делегацијата во Црна Гора, а има и работно искуство од повеќе од 10 години во приватниот комуникациски сектор во првата и најголема регионална адвертајзинг агенција, како PR & Аccount Manager. Од Европскиот институт во Брисел (L'Université catholique de Louvain) има меѓународен мастер по европски студии (International Master in European Studies - Policy Adviser and Project Consultant ), а од Универзитетот „Св. Кирил и Методиј“ во Скопје диплома за професор по француски јазик и книжевност.

Вкупно нето плата: 52,360 ден

Податоци од анкетниот лист за имотната состојба

Работни цели: Непречено функционирање и управување со функционирањето на Секторот за организациони работи и односи со јавноста во функција на транспарентно информирање на јавноста за активностите на Секретаријатот за европски прашања и заменик претседателот на Владата задолжен за европски прашања.

Работни задачи и обврски:

• Ја планира, организира и координира работата на Секторот, спроведува надзор и дава насоки и упатства за работа на вработените, го следи, контролира и оценува работењето на вработените;
• Ги следи активностите на Заменик претседателот на Владата задолжен за европски прашања;
• Ги следи активностите и новитетите во Секретаријатот за европски прашања за навремено информирање на јавноста и дава насоки за подготовки на експозеа, говори, точки за разговор;
• Организира прес конференции;
• Одобрува предлог-соопштенија за информирање на јавноста; дава насоки за пишување предлог соопштенија за медиумите и пишува соопштенија за медиумите;
• Организира средби, брифинзи со новинари;
• Контакт лице за медиумите, се грижи за навремено и квалитетно воспоставување на комуникација со медиумите и врши координација на медиумските активности;
• Контактира со меѓународни институции, организира учество на конференции, панели и друг вид на јавни настани.

Кристина Димовска

Посебна советничка за поддршка на процесот на интеграции

Кристина Димовска е магистер по политички науки со специјализација во истражувачки методи за општествени науки и политика, од Централноевропскиот Универзитет во Будимпешта, Унгарија. Своето работно искуство го гради во јавниот и граѓанскиот сектор, како и во меѓународни организации и академија, на теми поврзани со европска интеграција, демократија и владеење на правото, добро управување, јавна администрација и малцински политики. Димовска била посебна советничка за меѓународна соработка во Кабинетот на Министерот за информатичко општество и администрација (2017-2020), истражувач и проектен координатор во неколку граѓански организации (2014 – 2017), а работела и на академски истражувања (2013 – 2014). Има објавено неколку истражувачки трудови и документи за политики. Била стипендист на Think Thank Fund - Open Society Foundation (2016), како и на Стејт Департментот, во рамки на International Visitor Leadership Program (2020). Зборува македонски (мајчин), англиски, српски/хрватски (активно), француски и руски јазик (пасивно).

Вкупно нето плата: 49,200 ден

Податоци од анкетниот лист за имотната состојба

Работни цели: Советување и координирање на севкупната работа на Заменик на претседателот на Владата на Република Северна Македонија задолжен за европски прашања, во однос на процесот на интеграција.  Придонесува кон непречено функционирање на Кабинетот на Заменик претседателот на Владата.

Работни задачи и обврски:

• Подготвува анализи за процесот на ЕУ интеграција;
• Го советува Заменик претседателот на Владата во однос на процесот на ЕУ интеграција, со особен фокус на промоција и унапредување на процесот во земјата;
• Соработува со Секторот за интеграции во Секретаријатот за европски прашања во подготовка и спроведување на Националната програма за усвојување на правото на Европската унија и други клучни документи на Владата поврзани со процесот на ЕУ интеграција;
• Соработува со Секторот за интеграции во спроведување и следење на обврските кои произлегуваат од Спогодбата за стабилизација и асоцијација меѓу Република Северна Македонија и Европските заедници и нивните земји членки;
• Раководи со портфолиото за реформа на јавната администрација и ја координира и организира работата на Специјалната група за реформа на јавната администрација во рамки на Комитетот за стабилизација и асоцијација;
• Учествува во меѓународни конференции и други јавни настани од областа на ЕУ интеграција;
• Соработува со институции, меѓународни организации и дипломатски претставништва за прашања од областа на ЕУ интеграција;
• Подготвува материјали и точки за дискусија за работни состаноци на Заменик претседателот на Владата задолжен за европски прашања;
• Ги следи активностите на Заменик претседателот на Владата задолжен за европски прашања.