Новости
четврток, 29 април 2021 11:48
Во рамки на дводневната посета, заменик претседателот на Владата задолжен за европски прашања Никола Димитров, вчера имаше работна вечера со на државниот секретар за ЕУ на Словачка, Мартин Клус, а денес беа во разгледување на донацијата од Владата на Словачка на четири респиратори кои ќе се користат за лекување пациенти со ковид-19, на Клиниката за детски болести во Скопје.
Димитров: „ Словачка во неколку наврати покажува голема солидарност и во периоди кога на словачкиот народ му треба помош и поддршка. Словачка исто така, е една од најактивните поддржувачи на нашата европска иднина и затоа посебно сум тука денеска. Сакам да ја изразам и потенцирам благодарноста на нашата Македонија, на нашите македонски граѓани до словачката Влада и словачкиот народ, бидејќи застанаа цврсто и јасно на словачките принципи, а без тоа ЕУ се разбира не може да биде заедница на вредности.“
Државниот секретар за ЕУ Клус изјави дека Словачка е голем поддржувач на европската перспектива на Северна Македонија. „Верувам дека овој вид солидарност покажува колку се блиски нашите нации. Ова не е последната можност да си помогнеме едни на други и подготвени сме за секаква солидарност во иднина “, посочи Клус.
Соработката помеѓу Словачка и Северна Македонија е традиционално блиска, а поддршката од страна на Словачка покрај донации, доаѓа и на политичко ниво преку силната поддршка на земјата за отпочнување на пристапните преговори на Северна Македонија со Унијата. Словачка, како и многу други европски земји поддржувачи на проширувањето на ЕУ на Западен Балкан го потврдува ставот дека историски прашања не смеат да бидат пречка за земјата да ги отпочне преговорите за членство и се противи на секаква блокада на нашиот европски пат.
Изјава на ЗПВ Димитров по повод посетата на Дсек за ЕУ на Словачка, Клус
Транскрипт од изјавата на ЗПВ Никола Димитров
Транскрипт и превод на изјавата на Дсек за ЕУ на Словачка, Мартин Клус
Одговори на новинарски прашања