ИПА повеќе-корисничката програма помага во постигнување на целите кои се утврдени во Националните стратешки документи на различни начини. Во согласност со Повеќе-корисничкиот индикативен стратешки документ 2014-2020, Програмата обезбедува поддршка преку четири повеќе-кориснички канали кои се комплементарни на националните пакети:

A) Хоризонтална поддршка

Техничка поддршка, информирање и обука за националните институции на земјите корисници на ИПА II, преку инструментите ТАЕКс и Твининг.  

На овој начин станува достапно практичното знаење на ЕУ и на меѓународните организации, нивните најдобри практики, вклучително и креирањето на политики базирани на докази (статистичка соработка), со што се помага во подобрувањето на формулирањето и спроведувањето на националните секторски политики и поврзаните секторски стратегии. Програмата исто така обезбедува поддршка за јакнење на граѓанското општество во регионот, за јакнење на слободата и независноста на медиумите, како и за градење на капацитети и промоција на мобилноста во високото образование и на младите луѓе, преку придонес во програмата Ерасмус+.  

Б) Регионални структури и мрежи

Промовирање на регионалната соработка, вмрежувањето и споделувањето на најдобрите практики како поддршка на земјите корисници на ИПА II во нивната подготовка за членство во ЕУ, во усогласување на нивното национално законодавство со правото на ЕУ (acquis) и постепено приспособување со стандардите и практиките на ЕУ.

Поддршката преку овој канал ќе биде насочена кон иницијативи како:

• Советот за регионална соработка (Regional Cooperation Council-RCC);
• Регионалното училиште за јавна администрација (Regional School for Public Administration-ReSPA);
• Мрежата на јавни обвинители;
• Единиците за примена на меѓународното право (International Law Enforcement Coordination Units-ILECUs);
• Регионалната мрежа за животна средина и клима (Environment & Climate Regional Accession Network-ECRAN);
• Транспортната опсерваторија на Југо-источна Европа (South-East Europe Transport Observatory-SEETO);
• Енергетската заедница (Energy Community);
• Централно-европскиот трговски договор (Central European Free Trade Agreement-CEFTA);
• Постојана работна група за регионален и рурален развој (Regional Rural Development Standing Working Group-SWG);
• Платформи за образование и вработување.

В) Поддршка за регионални инвестиции

Програмата е насочена кон проекти со јасна регионална димензија, кои придонесуваат за социо-економскиот развој во повеќе од една земја корисник на ИПА II, со фокус на потребите за инвестиции во следните сфери:                 

·         Конкурентност и деловно опкружување;

·         Поврзување помеѓу корисниците на програмата и земјите од ЕУ;

·         Заштита на животната средина и справување/приспособување кон климатските промени

Главни инструменти за оваа намена се:

·         Инвестициска рамка за Западен Балкан (Western Balkans Investment Framework);

·         Зелен фонд за раст (Green for Growth Fund);

·         Инструмент за развој на претпријатија и иновации во Западен Балкан (Western Balkan Enterprise Development and Innovation Facility);

·         Европски фонд за Југо-источна Европа (European Fund for Southeast Europe);

·         Регионална програма за домување (Regional Housing Programme).

Г) Територијална соработка

Промовирање на добрососедските односи и на регионалниот развој помеѓу и во пограничните региони преку програмите за прекугранична соработка, во рамки на регионот и со земјите од ЕУ, како и преку програмите за транснационална соработка и релевантните макрорегионални програми (стратегиите на ЕУ за Дунавскиот и Јадранско-јонскиот регион).   

Усвоените ИПА повеќе-кориснички програми за периодот 2014-2020 и 2007-2013 се достапни на следниот линк: