BALLINA | KONTAKT | МК | SQ | EN |
Lajme
Zëvendëskryeministri Besimi në Shqipëri: Përforcimi i bashkëpunimit me qëllim integrim më të shpejtë të rajonit në BE
14:07, Thursday, June 26, 2014

Zëvendëskryeministri i Qeverisë së Republikës së Maqedonisë përgjegjës për çështje evropiane Dr. Fatmir Besimi, sot vizitoi Republikën e Shqipërisë. Gjatë vizitës Zëvendëskryeministri u takua me Ministren e Integrimit Evropian z-nja Klajda Gjosha dhe Ministrin e Punëve të Jashtme Z. Ditmir Bushati. Kjo është vizita e parë zyrtare e Zëvendës Kryeministrit z. Fatmir Besimi nga emërimi i qeverisë së re të Republikës së Maqedonisë.

Zëvendëskryeministri Besimi i uroi ministrat e Republikës së Shqipërisë për marrjen e statusit të vendit Kandidat për anëtarësim në Bashkimin Evropian, ku ai theksoi se ky nuk është lajm i mirë vetëm për Republikën e Shqipërisë por edhe për të gjithë rajonin. Njëkohësisht ai theksoi se bashkëpunimi mes dy vendeve jo vetëm që do të vazhdojë por edhe do të forcohet në bazë të interesit të përbashkët të të dy vendeve për antarësim në Bashkimin Evropian.

“Dhënia e statusit Kandidat për Republikën e Shqipërisë vërtetoi se Evropa edhe më tutjen mbetet e interesuar për zgjerimin e saj me vendet e Ballkanit Perëndimor” potencoi zëvendëskryeministri Besimi në deklaratën e tij në pres konferencën e përbashkët me Ministrin e Punëve të Jashtme z. Ditmir Bushati.

Ministrja e integrimit Evropian z-nja Klajda Gjosha theksoi se “një nga rekomandimet të cilat Shqipëria i mori në takimin e fundit ministror është intensifikimi i bashkëpunimit rajonal” dhe në këtë drejtim bashkëbiseduesit biseduan për mundësi për thellimin e të njëjtës.

Në takim Besimi theksoi rëndësinë e inicijativave rajonale për bashkëpunim mes vendeve të rajonit të cilat do të kontribuojnë në procesin e integrimit në Bashkimin Evropian si dhe në përmirësimin e standardit të jetesës së qytetarëve.
U diskutua edhe për bashkëpunimin bilateral në kuadër të fondeve IPA në aspekt të tërheqjes dhe realizimit të projekteve të përbashkëta, nga mjetet e instrumentit për aderim IPA. Në periudhën 2007-2013, në programin për bashkëpunim ndërkufitar ndërmjet Republikës së Maqedonisë dhe Republikës së Shqipërisë, janë nënshkruar marrëveshje financiare në vlerë prej 6.2 milionë euro, dhe nga tre thirrjet për projekte janë nënshkruar kontrata për 41 projekte me vlerë prej 3.47 milionë euro. Bashkëpunimi në fushën e fondeve evropiane do të vazhdojë edhe në periudhën 2014-2020.
Zëvendëskryeministri Besimi ministres Gjosha i ofroi mbështetjen dhe eksperiencën që Republika e Maqedonisë e ka në sistemin e decentralizuar të implementimit dhe kontraktimit të projekteve. Në këtë drejtim u ra dakord për formimin e ekipeve punuese për shkëmbim të eksperiencave.

Të dy shtetet deri tani kanë bashkëpunim të suksesshëm në fusha të ndryshme, siç janë: politika e transportit, bashkëpunimi administrative dhe ndihma e ndërsjellë, bashkëpunimi policor dhe lufta kundër krimit të organizuar, bashkëpunimi në fushën e arsimit dhe shkencës, bashkëpunimi në fushën e mjedisit, bashkëpunimi doganor, etj. Si projekte të suksesshme mes Maqedonisë dhe Shqipërisë u përmëndën hekurudha Kërcovë-Lin e cila financohet nga fondet IPA si dhe largpërcjellësi Manastir-Elbasan përmes Kornizës Investuese për Ballkanin Perëndimor (WBIF).

Në fund Zëvendëskryeministri ministrave të Republikës së Shqipërisë u ofroi ftesë për vizitë sa më të shpejtë në Republikën e Maqedonisë për fillimin e bashkëpunimit bilateral më konkret në kuadër të shkëmbimit të eksperiencave dhe kapaciteteve në disa sfera si janë sfera e eurointegrimeve dhe fondeve IPA, formimi i grupeve punuese në nivel teknik, vendosja e prakitkave për bashkëpunim rajonal me inicijativa të përbashkëta rajonale si dhe formalizimi i këtij bashkëpunimi me nënshkrimin e Memorandumit për Bashkëpunim.

Share!
Lajme
Takim i ZKQ Dimitrov me ambasadoren kroate Tiganj
Takim i ZKQ Dimitrov me ambasadorin austriak Vucas
Zëvendëskryeministri Dimitrov në vizitë pune në presidencën gjermane të BE-së
Takimi i ZKQ Dimitrov me ambasadorin holandez Dirk Jan Kop
Zëvendëskryetari i Qeverisë për Çështje Evropiane, Nikolla Dimtrov sot realizoi një takim me euroambasadorin e sapo emëruar në vend, Dejvid Gir
   
Procesi i përkthimit
Përgjithshëm
Dokumente më të rëndësishme
Baza të dhënash
Trajnime
Qendra për Trajnim e SÇE
Bursa
Bashkëpunime
Komunikimi me publikun
Sondazhet per opinionin publik IRI
Kampanja
Sondazhet per opinionin publik
LISTA E INFORMACIONIT ME KARAKTER PUBLIK
Konkurse për punësime
Konkurse
Dokumente
Baza e të dhënave
Qasje e lirë tek informatat
Regjistri i dokumenteve
Regjistrimi i projekteve
E-furnizime
Lajme

Rreth nesh
Zëvendës Kryeministër për Çështje Evropiane
Sekretar Shtetëror
Këshilltarë Shtetëror
Organizimi
Sistemi për udhëheqje me procesin e aderimit në BE
Njësi projektuese
Sektorë
Negociatat
Kronologji
Procesi i aderimit drejt BE-së
Skrining
Negociatat
NPAA
Marrëveshja për stabilizim dhe asociim (MSA)
Kampanja
EU / IPA Proekte të suksesshme
EU talks
EU in Macedonia
EU stars
Together for EU
Youth for EU
Projektet
Ndihma e para aderimit
IPA 2007 - 2013
IPA 2014 - 2020
IPA projektet
Ndihmë tjetër e huaj
Programe të Unionit
Programi ORIO
Twinning
2020 © Sekretariati për çështje evropiane
All rights reserved.