Новости
понеделник, 07 септември 2020 18:22
Заменик претседателот на Владата задолжен за европски прашања Никола Димитров денес го прими во проштална средба амбасадорот Самуел Жбогар, шеф на Делегацијата на Европската Унија во Северна Македонија. Заеднички беше позитивно оценета соработката со Делегацијата на Европската Унија во земјава, а Димитров го истакна и личниот придонес на амбасадорот Жбогар во процесите кои што имаа позитивна пресвртница во европскиот пат на нашата држава, заблагодарувајќи му се за искреното пријателство и посакувајќи му успех во неговите идни професионални ангажмани.
ЗПВРСМ
Димитров: „Интензивната соработка со институциите на ЕУ беше продлабочена
преку пријателството и искрениот однос со нивните претставници во Северна
Македонија. Како и за време на мандатот на амбасадорот Жбогар, новата Влада и
во следниот период ќе го задржи континуитетот на европската агенда, а
Секретаријатот за европски прашања ќе биде моторот кој што ќе ги придвижува
реформите, а со тоа и евроинтегративните процеси“.
Димитров и Жбогар резимирајќи ги успешно спроведените заеднички активности изминативе три години, разговараа и за понатамошно продлабочување на проектната соработка, како и за начините за успешна реализација на реформската агенда која што ќе биде во полза на сите граѓани и чинители во државата.