ПОЧЕТНА | КОНТАКТ | МК | SQ | EN |
Новости
Вицепремиерот Бесими во работна посета на Подгорица
15:25, среда, 01 октомври 2014

 Заменик претседателот на Владата на Република Македонија задолжен за европски прашања д-р Фатмир Бесими престојува во еднодневна работна посета на Подгорица, каде оствари средба со Потпретседателот на Владата на Црна Гора и министер за надворешни работи и европски интеграции г. Игор Лукшиќ.

На средбата беше истакната важноста од што поскоро интегрирање на државите од Западен Балкан во Европската Унија, со цел постигнување на стабилност, развој, демократски и економски просперитет.

Вицепремиерот Бесими фокусирајќи се на процесот на интеграција на Република Македонија, ги истакна последните постигнувања на земјата во однос на членството во Европската Унија, при што нагласи дека европската интеграција останува стратешки приоритет за нашата држава и граѓаните на Република Македонија.

Тој информираше дека Владата продолжува посветено да работи на реформите во доменот на владеење на правото, изборната реформа, слободата на изразување и медиумите, судството, борбата против корупцијата и организираниот криминал, унапредувањето на меѓуетничките односи, како и зголемување на економскиот раст и вработувањето.

На средбата Вицепремиерот истакна дека билатералната и регионална соработка во областа на интеграцијата во ЕУ може да биде многу корисна за земјите од регионот и дека ќе испратиме позитивна порака за нашата цврста определба за исполнување на критериумите за пристапување.

Вицепремиерот Бесими потенцираше дека соработката меѓу двете земји може да биде дополнително зајакната со воспоставување на заеднички тематски работни групи кои можат да разменат искуства и да споделуваат идеи на техничко ниво.

Бесими доби поддршка од Лукшиќ за иницијативата на Република Македонија за одржување на регионална министерска конференција за интеграција во ЕУ, планирана за наредниот период, на која е предвидено да учествуваат земјите од Западен Балкан (кандидати и потенцијалните земји-кандидати) и Турција, како и земјите членки на ЕУ од регионот и високо ниво на ЕУ претставници.

Двајцата соговорници истакнаа дека очекуваат успешната билатерална соработка да продолжи и во иднина.

Сподели ја содржината!
Новости
ОСМАНИ: НИ ТРЕБА СТАБИЛНА И ФУНКЦИОНАЛНА ВЛАДА СО ЕВРОПСКА ПЕРСПЕКТИВА
Донација од бизнис секторот во правец на борбата против пандемија пристигна во земјава
ОСМАНИ: И НАТАМУ ОЧЕКУВАМЕ СИЛНА ПОДДРШКА ОД СЛОВЕНИЈА ЗА ЕВРОПСКИТЕ ИНТЕГРАЦИИ
Османи на одбележувањето на 21 годишнината од ослободувањето на Република Косово
Донацијата од Република Естонија за поддршка при справувањето со пандемијата предизвикана од КОВИД 19, пристигна во земјава.
   
Процес на преведување
Поважни документи
Бази на податоци
Општо
Обука
Центар за Обука на СЕП
Стипендии
Соработки
Комуникација со јавноста
Испитување на јавното мислење ИРИ
Кампањи
Испитување на јавното мислење
ЛИСТА НА ИНФОРМАЦИИ ОД ЈАВЕН КАРАКТЕР
Конкурси за вработување
Конкурси
Документи
Бази на податоци
Слободен пристап до информации
Регистар на документи
Регистрација на проекти
Е-набавки
Новости
Публикации
За нас
Организација
Систем за управување со процесот на пристапување кон ЕУ
Проектни единици
Заменик Претседател на Влада за Европски Прашања
Државен Секретар
Државни Советници
Сектори
Кон преговори
Хронологија
Процес на пристапување кон ЕУ
Преговори
НПАА
Спогодба за стабилизација и асоцијација
Скрининг
Кампањи
Youth for EU
ЕУ / ИПА Успешни Проекти
EU talks
EU in Macedonia
EU stars
Together for EU
Проекти
Претпристапна поддршка
ИПА 2007 - 2013
Друга странска помош
Програми на Унијата
ОРИО Програма
Твининг
ИПА 2014 - 2020
ИПА проекти
Повеќе-корисничка ИПА програма
2020 © Секретаријат за европски прашања
Сите права се задржани.