ПОЧЕТНА | КОНТАКТ | МК | SQ | EN |
Новости
Бесими на тркалезната маса на тема „Европската перспектива на Западен Балкан по изборите на Европскиот парламент”
15:08, вторник, 03 јуни 2014

Заменик претседателот на Владата на Република Македонија задолжен за европски прашања д-р Фатмир Бесими денес (вторник, 3 јуни 2014) учествуваше на тркалезната маса на тема “Европската Перспектива на Западен Балкан по изборите на Европскиот Парламент” која се организираше од Секретаријатот за Европски Прашања и Универзитетот на Југоисточна Европа во Тетово.

На тркалезната маса учествуваа и познати академци, професори и интелектуалци од Македонија од областа на Евро-интеграциите, каде што имаа можност заеднички да дискутираат и да ги анализираат резултатите од изборите за Европскиот парламент и нивното влијание на расположението на владите и граѓаните од земјите членки на ЕУ.

Заменик претседателот Бесими ја отвори дебататa цитирајќи го еден од основачите на Европската Унија, Жан Моне “Кога се наоѓате во една бура, единствениот начин да излезете од бурата е да останете верни на вашиот правец. Единствена работа која не ја менувате, е вашиот правец.” што значи дека и покрај предизвиците ЕУ агендата останува заедничка цел на регионот и ЕУ.

На дебатата се дискутираше дека иако евро-скептиците за прв пат добија повеќе пратенички места во Европскиот Парламент од претходните избори, сепак мнозинството од пратеничките места им припаѓаат на про-европските и неутралните партии на Европа што значи и подршка за проширувањето на ЕУ.

“Овој мандат ќе биде мандат на “Повнимателна Европа” во однос на проширувањето на ЕУ бидејќи критиките ќе бидат многу погласни околу исполнувањето на критериумите од страна на земјите кандидатки за членство во Унијата” изјави Бесими како одговор на прашањето дали сега ќе има “повеќе” или “помалку” Европа во однос на нејзиното расположение за понатамошно проширување.

На дебатата воглавно се истакна дека изборите во Европскиот парламент го покажуваат расположението и ставовите на Европејците за начинот на кој што функционира ЕУ, политиките кои се носат и спроведуваат на европско ниво како и начинот на кој што европските лидери се справуваа со предизвиците особено со последиците од економската криза која ја зафати Европа во изминатиот период.

"Очекуваме проширувањето на ЕУ да биде во агендата на следниот Европски Парламент. Европската интеграција останува најдобрата алтернатива за Западниот Балкан и ние сметаме дека истото е од интерес и на ЕУ. Продолжуваме со нашите заложби за нашата Европска иднина.” – изјави вицепремиерот на тркалезната маса.

Вицепремиерот Бесими ја истакна уште еднаш стратешката цел на Република Македонија која е спроведување на реформите и интегрирање на земјата во Европска Унија и НАТО. Меѓу другото тој истакна дека за нашиот регион и натаму европската перспектива останува генератор на позитивните демократски движења и на економскиот раст и развој.

“Идејата на ЕУ, како за Република Македонија така и за целиот регион, е идеја која обединува, која придонесе за мир и стабилност во регионот на Западен Балкан.” - со ова вицепремиерот Бесими ја заврши дебатата заблагодарувајќи им се на присутните за нивниот придонес на оваа тркалезна маса.

Сподели ја содржината!
Новости
ОСМАНИ: НИ ТРЕБА СТАБИЛНА И ФУНКЦИОНАЛНА ВЛАДА СО ЕВРОПСКА ПЕРСПЕКТИВА
Донација од бизнис секторот во правец на борбата против пандемија пристигна во земјава
ОСМАНИ: И НАТАМУ ОЧЕКУВАМЕ СИЛНА ПОДДРШКА ОД СЛОВЕНИЈА ЗА ЕВРОПСКИТЕ ИНТЕГРАЦИИ
Османи на одбележувањето на 21 годишнината од ослободувањето на Република Косово
Донацијата од Република Естонија за поддршка при справувањето со пандемијата предизвикана од КОВИД 19, пристигна во земјава.
   
Процес на преведување
Поважни документи
Бази на податоци
Општо
Обука
Центар за Обука на СЕП
Стипендии
Соработки
Комуникација со јавноста
Испитување на јавното мислење ИРИ
Кампањи
Испитување на јавното мислење
ЛИСТА НА ИНФОРМАЦИИ ОД ЈАВЕН КАРАКТЕР
Конкурси за вработување
Конкурси
Документи
Бази на податоци
Слободен пристап до информации
Регистар на документи
Регистрација на проекти
Е-набавки
Новости
Публикации
За нас
Организација
Систем за управување со процесот на пристапување кон ЕУ
Проектни единици
Заменик Претседател на Влада за Европски Прашања
Државен Секретар
Државни Советници
Сектори
Кон преговори
Хронологија
Процес на пристапување кон ЕУ
Преговори
НПАА
Спогодба за стабилизација и асоцијација
Скрининг
Кампањи
Youth for EU
ЕУ / ИПА Успешни Проекти
EU talks
EU in Macedonia
EU stars
Together for EU
Проекти
Претпристапна поддршка
ИПА 2007 - 2013
Друга странска помош
Програми на Унијата
ОРИО Програма
Твининг
ИПА 2014 - 2020
ИПА проекти
Повеќе-корисничка ИПА програма
2020 © Секретаријат за европски прашања
Сите права се задржани.